Armina Mevlani, blogerja dhe e fejuara e djalit të ish-kryeministrit Sali Berisha, Shkëlzen Berisha ka zhvilluar një mini-intervistë me ndjekësit e saj në ‘Instagram’ ku ka zbuluar dhe disa detaje.
Teksa iu përgjigjej pyetjeve të ndjekësve të saj në Instagram, Mevlani tha se në Como, tek një stol, ka marrë propozimin e parë nga Shkëlzeni, krejtësisht spontan.
“Historia me Comon është e tillë, në udhëtimin e parë në vitin 2014, Zeni dhe unë pamë një vend që e pëlqenim të dy dhe u bë si traditë që çdo përvjetor shkonim aty. Tek ai stol kam marrë edhe propozimin e parë, spontan. Dasmën me siguri do ta bëj në Shqipëri sepse kam dëshirë të ftoj shumë vetë, dhe jashtë është vështirë organizimi,“- shkruan Armina.
Blogerja e njohur, ka rrëfyer gjithashtu se gjithmonë ka dashur të bëjë një jetë fshati.
“Që e vogël kam menduar që në një fazë të jetës të bëj jetë fshati me shumë kafshë, lopë, dele dhe kuaj,”- përfundon blogerja.